Чырвоныя казармы

Полацкія Чырвоныя казармы — помнік ваеннай архітэктуры пачатку XX ст., комплекс будынкаў і збудаванняў, спецыяльна пабудаваны ў у 1910 годзе для размяшчэння чыгуначных часцей.

Па заканчэнні пракладкі Мікалаеўскай чыгункі (1907-1908 гг.) у Задзвінне пачалося будаўніцтва ваеннага гарадка: узводзіліся казармы, афіцэрскія хаты, службовыя памяшканні, склады і стайні. Для будаўніцтва выкарыстоўваліся тыпавыя праекты, распрацаваныя ваенным ведамствам. За казармамі знаходзіліся навучальныя палігоны для навучання салдатаў, гімнастычныя гарадкі і стрэльбішча. Першымі, хто кватараваў тут, была 1-я палявая чыгуначная рота (на 01.01.1910).