Дом па вуліцы Пушкінскай, 10 — двухпавярховы будынак у Брэсце, пабудаваны ў XIX стагоддзі. У будынку размяшчаецца Генеральнае Консульства Расійскай Федэрацыі ў Брэсце.
== Архітэктура ==
Двухпавярховы з мансардным паверхам будынак накрыты двухсхільным дахам. На дваровым фасадзе два бакавыя рызаліты. Галоўны фасад акцэнтаваны вуглавым эркерам, завершаным фігурным атыкам з паўкруглым аконным праёмам у цэнтры. На першым паверсе прамавугольныя аконныя праёмы, на другім – паўкруглыя ў прафіляваных аконных абрамленнях і з падаконнымі філёнгамі. Гарызантальна фасад падзелены міжпаверхавай цягай, завершаны шматслойным карнізам.
== Літаратура ==
Дзяржаўны спіс гісторыка-культурных каштоўнасцей Рэспублікі Беларусь: [Даведнік] / склад. В. Я. Абламскі, І. М. Чарняўскі, Ю. А. Барысюк. — Мн.: БЕЛТА, 2009. — 684 с. — 1 000 экз. — ISBN 978-985-6828-35-8.