Шыфр : 613В000111
Датаванне : VI стагоддзе да н.э. – VII стагоддзе н.э.
Крыніца дадатковая : https://be.wikipedia.org/wiki/Галінова_(археалагічны_помнік)

Галінова — археалагічны помнік, гарадзішчы і курганныя могільнікі каля в. Галінова Вілейскага раёна Мінскай вобласці.

== Гарадзішча ==

Знаходзіцца за 1,5 км на паўночны ўсход ад вёскі, у лесе, на мысе прыроднага ўзвышша. Мясцовая назва Скабеева Гара. Пляцоўка дыяметрам 55 м, па краі ўмацавана валам вышынёй да 3 м. 3 заходняга і ўсходняга бакоў ёсць дадатковыя дугападобныя валы вышынёй 1,5—2 м. Выявіў і абследаваў у 1850-я г. А. Г. К. Кіркор, абследавалі ў 1980 А. Р. Мітрафанаў, у 1985 Я. Г. Звяруга. Раскопкі не праводзіліся.

== Курганныя могільнікі ==

=== Курганны могільнік-1 ===
Магчыма, адносіцца да балтаў. За 0,2 км на паўночным усходзе ад гарадзішча, абапал дарогі ў в. Студзёнкі. Мясцовая назва Валатоўкі. 77 круглых насыпаў, якія цягнуцца вузкай паласой з паўднёвага захаду на паўночны ўсход на 0,5 км. Дыяметр насыпаў 5—11 м, вышыня 0,6—1,7 м. Каля большасці насыпаў захаваліся кругавыя раўкі. Прыблізна трэцяя частка курганоў пашкоджана. 15 курганоў у 1934, 1937 даследавалі Г. Цэгак-Галубовіч і У. Галубовіч, абследаваў у 1985 Я. Г. Звяруга. Пахавальны абрад — трупаспаленне на гарызонце. Пахавальны інвентар: жалезныя нажы, фібулы, спражкі, тачыльныя камяні, бранзалеты з бронзы, трапецападобныя і круглыя падвескі, абломкі грывень, ляпныя слабапрафіляваныя гаршкі і пасудзіны слоікавай формы. Датуецца VII — X ст.

=== Курганны могільнік-2 ===
Знаходзіцца за 0,4 км на паўночным усходзе ад могільніка-1. 3 расплывістыя насыпы дыяметрам 7—9 м, вышыня 0,7—0,9 м. Выявіў і абследаваў у 1985 Я. Г. Звяруга.

== Зноскі ==

== Літаратура ==
Hołubowicz, E. Pięć lat pracy terenowej Muzeum Archeologicznego Uniwersytetu Stefana Batorego w Wilnie (1933-1937) = Cinq ans de travail au Musée d’Archéologie de l’Université d’Etienne Batory à Wilno 1933-1937 / Włodzimierz Hołubowicz. — [S.l.: s.n., 1938]. — S. [1], 84-90: mapa.
Гуревич, Ф. Д. Древности Белорусского Понеманья / Ф. Д. Гуревич; [Отв. ред. П. Н. Третьяков]; Академия наук СССР, Институт археологии. — М. — Л.: Изд-во Академии наук СССР, 1962. — 219, [3] c., [3] л. карт.

Шыфр : 613В000111
Датаванне : VI стагоддзе да н.э. – VII стагоддзе н.э.
Крыніца дадатковая : https://be.wikipedia.org/wiki/Галінова_(археалагічны_помнік)
Асаблівасці
Водгукі
Тут яшчэ няма водгукаў.
Пакіньце водгук
Трэба каб пакінуць водгук.
Злучанныя аб'екты