Будынак

Будынак (корпус Е) па вуліцы Стралецкай, 4/1 (інв. № 250/С31309). Цяпер навучальны корпус УА “Полацкі дзяржаўны ўніверсітэт”.

Архітэктура

Двухпавярховы прамавугольны ў плане будынак з аднапавярховай прыбудовай з заходняга боку. Пабудаваны паміж 1778 і 1780 гг. Галоўны фасад прарэзаны радамі прамавугольных аконных праёмаў, якія на першым паверсе ўпрыгожаны сандрыкамі, на другім – аб’яднаныя паяском. Уваходныя праёмы акцэнтаваны сандрыкамі складанай прафіліроўкі. Сцены завершаны складаным прафіляваным карнізам. Будынак мае двухсхільны дах.