Гаспадарчыя пабудовы

Гаспадарчыя пабудовы (карпусы І і К) па вуліцы Стралецкай,  4/2 (інв. № 250/С31310). Цяпер навучальны корпус УА “Полацкі дзяржаўны ўніверсітэт”.

Архітэктура

Комплекс былых гаспадарчых пабудоў, складаецца з двух аб’ёмаў – двухпавярховага і аднапавярховага з мансардай. Пабудаваны ў канцы XVIII ст. Фасад двухпавярховага будынка расчлянёны радамі аконных праёмаў з ліштвамі, якія акцэнтаваны замкавым каменем. Фасад аднапавярховага будынка мае рад аконных праёмаў з простымі ліштвамі. Плоскасць сцяны падзелена лапаткамі, якія аб’яднаны паяском. Сцены завершаны складаным прафіляваным карнізам. Будынак мае двухсхільны дах.