Катэгорыя : Жылая забудова / Прыватныя дамы

Тып : будынак / жылы будынак

Месца : Віцебская вобласць / Полацкі раён / Полацк

Шыфр : 213Г000614

Архітэктурны стыль : эклектыка, цагляны стыль

Датаванне : пачатак ХХ стагоддзя

Дом па Ніжне-Пакроўскай вуліцы, 26 (інв. № 250/С-2531). Жылы дом. Пабудаваны ў пачатку ХХ ст.

Архітэктура

Двухпавярховы прамавугольны ў плане будынак. Сцены складзены з ліцавой чырвонай цэглы. Багатая пластыка галоўнага фасада прадстаўлена самымі рознымі архітэктурна-дэкаратыўнымі элементамі: аркатурнымі паяскамі, падаконнымі нішамі, руставанымі пілястрамі. Аконныя праёмы першага паверха абрамлены руставанымі ліштвамі з замкавым каменем. Лучковыя аконныя праёмы другога паверха маюць абрамленні ў выглядзе стылізаваных паўкалонак. Сцены завершаны складаным прафіляваным карнізам.