Катэгорыя : Грамадзянская забудова / Іншае грамадзянcкае

Тып : будынак / гасцініца

Месца : Віцебская вобласць / Полацкі раён / Полацк

Шыфр : 213Г000969

Архітэктурны стыль : эклектыка

Датаванне : пачатак ХХ стагоддзя

Крыніца : http://www.wikidata.org/entity/Q109923197

Будынак былой гасцініцы «Лондан» па вуліцы Леніна, 3 (інв. № 250/С-33493) у Полацку. Пабудаваны ў пачатку ХХ стагоддзя. Адміністрацыйны будынак.

Архітэктура

Двухпавярховы прамавугольны ў плане будынак. Галоўны фасад багата дэкарыраваны аконнымі абрамленнямі, падаконнымі нішамі, міжпавярховай прафіляванай цягай з сухарыкамі. Прамавугольныя аконныя праёмы першага паверха ўпрыгожаны сандрыкамі. Аконныя праёмы другога паверха маюць паўцыркульнае завяршэнне і абрамленне ў выглядзе пластычна насычаных ліштваў, якія імітуюць аркатурны пояс. Фасад дэкарыраваны скульптурнымі выявамі – маскаронамі. Сцены завершаны складаным прафіляваным карнізам з выкарыстаннем дробных дэкаратыўных элементаў.