Дом па вуліцы Войкава, 1

Дом па вуліцы Войкава, 1 (інв. № 250/С-31608).  Пабудаваны ў 1900 г. Цяпер Музей традыцыйнага ручнога ткацтва Паазер’я Нацыянальнага Полацкага гісторыка-культурнага музея-запаведніка. 

Архітэктура

Аднапавярховы драўляны будынак з мураваным паўпадвалам. Сцены ашаляваныя. Выразнасць фасадаў падкрэслена рытмам аконных праёмаў з фігурнымі ліштвамі і аканіцамі. Паўднёвы фасад умоўна падзелены на дзве часткі, якія адрозніваюцца паміж сабой малюнкам шалёўкі, аздабленнем аконных праёмаў і наяўнасцю вакон на цокальным паверсе. Архітэктурны аб’ём будынка завершаны вальмавым дахам.