Агароджа па Вайсковым зав. — вул. Захарава

Агароджа па Вайсковым зав. — вул. Захарава ў Мінску. Пабудавана ў 1950-я ў стылі савецкага класіцызму. Цягнецца ад дома па Вайсковым завулку, 1 да дома па вуліцы Захарава, 24.  Па вуліцы Захарава агароджа паўкружжамі прымыкае да будынка Беларускага таварыства дружбы і культурнай сувязі з замежнымі краінамі  (вул. Захарава, 28).  Пілоны агароджы мураваныя, завершаныя шарамі, перад будынкам Беларускага таварыства дружбы вуглавыя пілоны завершаны вазамі. Паміж пілонамі драўляныя платы ці металічныя літыя краты.