Будынак па вуліцы Замкавай, 12А/1

Будынак па вуліцы Замкавай, 12А/1 (інв. № 250/С28759, ліцер Г 3/к).  Пабудаваны ў пач. ХХ ст.

Архітэктура

Трохпавярховы будынак з падвалам. Сцены складзены з чырвонай ліцавой цэглы. Плоскасці фасадаў расчлянёны радамі аконных праёмаў з лучковым завяршэннем, якія акцэнтаваны нязначна выступаючымі за плоскасць сцяны перамычкамі. Рызаліты падзяляюць фасад на тры часткі і вянчаюцца атыкамі. Паверхі падзелены міжпавярховымі паяскамі з сухарыкамі. Вуглавая частка першага паверха аздоблена рустам. Фасады завершаны прафіляваным карнізам. Будынак мае вальмавы дах.