Катэгорыя : Грамадзянская забудова / Дзяржаўныя ўстановы

Тып : будынак / адміністрацыйны будынак

Месца : Віцебская вобласць / Полацкі раён / Полацк

Стан : Страчана

Архітэктурны стыль : класіцызм

Датаванне : XVIII стагоддзе

Дата страты : 1940-я

Будынак настаўніцкай семінарыі ў Полацку. Пабудаваны ў канцы XVIII стагоддзя ў стылі класіцызму. Тут размяшчаліся намесніцкае праўленне, казённая палата з экспедыцыямі, сумленны суд, прыказ грамадскага догляду і павятовае казначэйства. У сярэдзіне XIX стагоддзя — ліцэальныя класы. Фарміраваў усходні фронт забудовы Корпуснай плошчы (плошчы Свабоды), паміж вуліцамі Віцебскай (цяпер паўночная траса праспекта Францыска Скарыны) і Верхнепакроўскай (цяпер паўднёвая траса праспекта Францыска Скарыны). Праз Віцебскую вуліцу сіметрычна размяшчаўся амаль ідэнтычны па архітэктуры будынак грамадзянскай і крымінальнай палаты з верхнім земскім судом.

Знішчаны ў час Вялікай Айчыннай вайны.