Чыгуначны вакзал — помнік архітэктуры мадэрну ў аграгарадку Бігосава (Верхнядзвінскі раён Віцебскай вобласці Беларусі). Гісторыка-культурная каштоўнасць рэспубліканскага значэння.
Пабудаваны ў 1924—1926 гг. на чыгуначнай станцыі Бігосава на чыгуначнай лініі Полацк — Даўгаўпілс.
Мураваны будынак падоўжанай сіметрычнай кампазіцыі. Вуглы цэнтральнага аб’ёму залы чакання вырашаны ў выглядзе вежаў, якія накрытыя высокімі чатырохсхільнымі шатровымі дахамі. Выкарыстанне элементаў абарончага дойлідства (байніцы, зубчастыя завяршэнні вежаў) абумоўленае месцазнаходжаннем вакзала ў некалі прыгранічным раёне. Бакавыя крылы, у якіх размяшчаюцца рэстаран і службовыя памяшканні, створаныя адна- і двухпавярховымі аб’ёмамі з маляўнічымі ламанымі дахамі, маюць вялікія прамавугольныя вокны з драўлянымі ліштвамі.
== Літаратура ==
Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, [1984—1988].
Белорусская ССР: Краткая энциклопедия. В 5-ти т. Т. 4. / Ред. колл.: П. У. Бровка и др.. — Мн.: Гл. ред. Белорус. Сов. Энциклопедии, 1981. — Т. 4. — 712 с. — 50 000 экз. (руск.)
