Свята-Засіма-Саваціеўскі мужчынскі манастыр

Свята-Засіма-Саваціеўскі мужчынскі манастыр ― манастыр у в. Вялікая Кракотка, Слонімскага раёна Гродзенскай вобласці.

== Гісторыя ==

Мужчынскі манастыр бярэ свой пачатак ад храма Божага Нараджэння Найсвятой Багародзіцы.
У 1883 годзе з бутавага каменя быў пабудаваны храм. У 1959—1961 гады храм закрылі і размясцілі ў ім клуб. У 1990—1991 гадах царква была адноўлена.
У 2002 годзе ў будынку былой школы быў арганізаваны скіт. 29 чэрвеня 2009 года сінод Беларускай Праваслаўнай Царквы заснаваў у вёсцы Вялікая Кракотка мужчынскі манастыр.
У комплекс манастыра ўваходзяць 2 храмы, надбрамная капліца з аркавым праходам, трапезная, жылы манастырскі комплекс, сталярная майстэрня, гаспадарчыя пабудовы, дом паломніка, агарод, пчальнік, сажалка.

== Зноскі ==