Чыгуначнае дэпо (Лепель)

Будынак чыгуначнага дэпо ў Лепелі. Пабудаваны ў канцы ХІХ – пачатку ХХ стагоддзя пры чыгуначнай станцыі ў цагляным варыянце эклектычнага стылю.

У 2020-я зведала няўдалую рэканструкцыю пад будаўнічую краму «Дэпо»: каб стварыць пляскаты дах знішчаны верх шчыта, бакавая прыбудова або знішчана, або цалкам абшыта аранжавым металпрофілем, прабіты праёмы, якія не адпавядаюць гістарычным аркам прыбудовы, а каб абшыць асноўны аб’ём тым жа металпрофілем — збіты контрфорсы. Фактычна для агляду пакінуты толькі падрэзаны тарцовы фасад.