Катэгорыя : Прамысловая забудова / Прымысловыя будынкі

Тып : гаспадарчая пабудова / вятрак

Месца : Гродзенская вобласць / Навагрудскі раён / Навагрудак

Стан : Страчана

Шыфр : 412Г000407

Датаванне : канец ХVІІ стагоддзя

Дата страты : 1990-я

Рэшткі каменнага млына па вуліцы Малы Замак, 22 у Навагрудку. Вятрак пабудаваны ў канцы ХVІІ стагоддзя з будматэрыялаў разабранай вежы Малога замка. Баявая вежа размяшчалася на заходнім краі замка. Прамавугольная ў плане (12,3х10,9 м), яна была пабудавана ў канцы XIII — першай палове XIV ст. з палявога каменю і цэглы. Таўшчыня яе сцен дасягала 2,6 м. Збудаваная над старажытным уездам у Малы замак, вежа грозна ўзвышалася над стромкім схілам гары і была акружаная земляным валам з драўлянымі сценамі-гароднямі наверсе. Вежа перажыла некалькі перабудоў. На мяжы XV і XVI стст. яе разабралі, да ўсіх чатырох сцен падмурка зрабілі прыкладкі таўшчынёй у 1 м і пабудавалі новую 8-гранную вежу з цэглы. Вежа прастаяла да сярэдзіны XVII с., калі яе разабралі канчаткова.

Літаратура

Ткачёв М. А. Замки Белоруссии. Мн., 1987