Катэгорыя : Культавыя збудаванні / Каталіцкі касцёл

Тып : культавы будынак / касцёл

Месца : Мінская вобласць / Валожынскі раён

Стан : У заняпадзе

Датаванне : 1930

Крыніца : http://www.wikidata.org/entity/Q24229316

Крыніца дадатковая : https://be.wikipedia.org/wiki/Касцёл_Найсвяцейшага_Сэрца_Ісуса_(Лоск)

Касцёл Найсвяцейшага Сэрца Ісуса — у в. Лоск Валожынскага раёна Мінскай вобласці. Знаходзіцца ў цэнтры вёскі, на ўзгорку. Не дзейнічае.

== Гісторыя ==

Пабудаваны ў 1930 годзе з драўлянага бруса.

== Архітэктура ==

Твор народнага драўлянага дойлідства. Прамавугольны ў плане зруб накрыты 2-схільным дахам з вальмамі над 5-гранным прырубам апсіды з невялікай сакрысціяй. Плоскасны галоўны фасад завершаны 3-вугольным шчытом, у тымпане якога прарэзана арачнае акно, якое расчляняе прафіляваны карніз. Уваход вырашаны шырокім прамавугольным праёмам. Неашаляваныя сцены рытмічна падзелены вертыкальнымі брусамі-сцяжкамі ў прасценках высокіх арачных аконных праёмаў. У перакрытую плоскай столлю малітоўную залу выступаюць хоры, на якія вядзе лесвіца бакавой клеці.

== Літаратура ==
Кулагін А. М. Каталіцкія храмы на Беларусі: Энцыкл. даведнік / А. М. Кулагін; маст. І. І. Бокі. — 2-е выд. — Мн.: БелЭн, 2001.— 216 с.: іл. ISBN 985-11-0199-0.