Друйскі парк

Друйскі парк — парк у г. п. Друя Браслаўскага раёна.
Закладзены ў XVIII стагоддзі. Плошча каля 4 га. Парк рэгулярны. Цэнтр кампазіцыі — палац на высокім левым беразе Заходняй Дзвіны. Парк выцягнуты з усходу на захад, у паўднёвай частцы збераглася адзіная на Беларусі алея з вязу шурпатага ніцага, у заходняй — некалькі старых ліп. Растуць мясцовыя пароды дрэў, трапляецца горкі каштан звычайны і іншыя віды. Парк належыць санаторыю «Друя».

== Літаратура ==

Друйскі парк // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз.